Herritarren parte hartzearen bidez erabaki da zein taldek emango duen kontzertua datorren urteko inauterietako Zaldunita egunean. Erabaki plataforman eta kultur etxeko hautetsontzian bozkatu dute tolosarrek. Lehen aldiz egin dute horrela, pertsona gehiagoren iritziak jaso nahian, orain arte jai batzordean egin izan baita kontsulta.
175 pertsonak parte hartu dute bozketan, eta zazpi hautagairen artean aukeratu behar izan dute: Bengo, Ezpalak, Indabe, Janus Lester, Kai Nakai, Los Zopilotes Txirriaos eta Merina Gris. Janus Lester taldeak eskuratu du babesik handiena, 64 bozka, eta jada konfirmatu du inauterietan izango dela.
Hauek izan dira emaitzak:
- Janus Lester: 64 boto.
- Los Zopilotes Txirriaos: 54 boto.
- Bengo: 26 boto.
- Merina Gris: 20 boto.
- Kai Nakai: 6 boto.
- Indabe: 4 boto.
- Ezpalak: Boto 1.