TAKEko Gizonezkoen lehen taldeak babesle nagusian aldaketa izan du berriki, eta Iruki TAKE izena du egun. Aurreko astean Goar Artetxe entrenatzailearekin hitz egin genuen taldea egiten ari den denboraldiari buruz. Emakumezkoen lehen taldea, Eguzkitza Sagardotegia TAKE taldea, Euskal Ligan ari da jokatzen lehen aldiz bere historian, aurreko denboraldian igoera lortu eta gero. Mikel Lakunza entrenatzailearekin aritu gara solasean aste honetan, taldearen egoerari buruz. Eskubaloiari dagokionez, Tolosa Eskubaloiko emakumezkoen lehen taldea izan dugu hizpide, aurreko astean Nerea Esnaola taldeko kapitainarekin izandako solasaldiaren bidez.