Aitor Lasa eta Maixa Lizarribar Hauspotuz Tolosaldeko Trikiti Elkarteko kideak «oso pozik» daude ekimenak izan duen erantzunarekin eta eskualdean trikitiak duen garrantzia azpimarratu dute: «Lehen urtean jabetu ginen trikitilari eta trikiti zale asko zeudela eskualdean, eta elkargune bat izateko aitzakiarekin hasi ginen egun hau antolatzen, eta jada hirugarren urtea da.
Lasak eta Lizarribarrek azpimarratu dute, trikitiaren aitzakian jai giroan egun eder bat pasatzea dela helburua. «Duela gutxi trikiti munduan murgildu diren haur nahiz helduak ere etorriko dira bazkarira, eta guretzat ezinbestekoa da horiei ere heltzea».
