Txupinazoaren aurretik, baina, festen egitarauaren barruan sartu dituzten jarduerak izan dira. Batetik, haurren 3x3 futbol txapelketako sailkatze faseko partida; bestetik, II. Piragua Lasterketa egin dute Oria ibaian, Zumardia elkartearen laguntzarekin; azkenik, haurrak berriro izan dira protagonista, Tolosa CF plazan Tolosaldea LHII-ko kideen eskutik egin dituzten jolasetan.
Merino oso pozik zegoen txupinazoa jaurtitzeko ohorea izan duelako: «Betidanik oso bereziak izan dira auzoko jaiak eta asko gustatzen zaizkit. Antolatzaileei eta bizilagunei eskaintzen diet gaurko aitortza, beraiek gabe ezinezkoa delako festak aurrera ateratzea». Aurten, familiarekin gozatu nahi du festez. «Hala ere, lasai ibiliko naiz; bihar Urnietan jokatzen dut, eta hurrengo asteburuan ere bi partida jokatuko ditut», adierazi du.
