Trianguloatik Plaza Berrira bitarteko lasterketarekin eman diote hasiera Tolosako Kuadrilla Egunari. Eta behin beroketak eginda, jai giroan sartu dira kuadrilla guztiak. Goizean zehar ez dira protagonista bakarrak izan hala ere, Erraldoi eta Buruhandien Konpartsaren kalejirak ere jende ugari bildu baitu. Arratsaldean jarraituko du jai giroak; 16:00etan Iratzar taldearen erromeria izango da Euskal Herria Plazan, tartean, Larrain Dantza egingo dutelarik Tolosako dultzaineroekin, 18:30ean Gari, Montxo ta Joselontxo haurrentzako ikuskizuna egongo da Alondegi plazan, 20:00etan DJ Txekor ariko da, 22:30ean DUDIK-P taldearen kontzertua egongo da Lopez-Mendizabal pasealekuan, 23:00etan Xiberoots eta DJ Fulana egongo dira Plaza Berrian eta bukatzeko, 00:00etan, Jainekin txarangak joko du Alde Zaharrean.