19:00etan egingo dute kultur etxean, eta ideia edo proposamenak egin nahi dituen elkarte, eragile eta herritar oro dago gonbidatuta.
Aste Santua atzean utzita, Tolosako Udala San Joan jaien antolakuntzan murgiltzen hasia da. Horren harira, ekainaren 21etik 24ra ospatuko diren festak antolatzeko bilera irekia egingo du datorren asteartean, apirilak 9.
Saioa 19:00etan hasiko da, kultur etxean eta, jai herrikoiagoak eta parte-hartzaileagoak eraikitze aldera, ideia edota proposamenak egin nahi dituen elkarte, eragile eta herritar oro dago gonbidatuta.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!