Inauterietako udalbatzako alkate izan da azkenekoz Patxi Amiano, eta bere ordezko izango den Kabi Alai elkarteko Ainhoa Onsalok hartu du bere lekukoa. Lehenengoz, beraz, emakumea izango da inauterietako udalbatzako alkatea.
Usabal kiroldegia hainbat hilabetez itxita egon denez, herritar askok «kiloak» hartu dituztela esan dute, eta azterketa medikua egin diete udalbatzako kideei. Ondoren, kilo batzuk jaisteko helburuz, herritarrak dantzan jarri dituzte.
Txupinazoa bota dute gero, eta orduan hasi da Hausterre Egunera bitarte etenik gabe luzatuko den festa.