«Gipuzkoako esklerosi anizkoitza jasaten dutenen jarrerak hobekuntza handia izan du etorkizuneko eskubide eta aukerei dagokienez», adierazi dute elkartetik. «Gizatasuna, profesionaltasuna, enpatia, berdintasuna, gardentasuna eta ikerketarako konpromisoa dira gure balio nagusienak», gaineratu dute.
Donostian du egoitza, eta bertan, esklerosi anizkoitza duten pertsonei laguntzeaz gain, errehabilitazio integralerako zerbitzua eskaintzen die beste gaixotasun neurologiko batzuk dituztenei, hala nola, alboko esklerosi amiotrofikoa, muskulu-distrofia mota desberdinak edo muineko lesioak, besteak beste.
Horretarako, psikologiako, logopediako edo gizarte-laneko zerbitzuak dituzte, baita fisioterapia-talde bat eta guztiz egokitutako gimnasio bat ere, azken berrikuntza tekniko eta birtualak dituena. «Errehabilitazio integrala, jarraitua eta diziplina anitzekoa da, gaixo bakoitzaren beharretara egokitua, esperientzia zabala duten profesionalen eskutik. Aholkularitza eta laguntza eskaintzeak, gero eta paziente gehiagok autonomia eta bizi-kalitate handiagoa izatea dakar».
ADEMGI ELKARTEA
Helbidea. Zarategi pasealekua, 68. Donostia.
Helbide elektronikoa. info@ademgi.org.
Telefonoa. 943 245 600.
Facebook. Ademgi - Esclerosis Multiple Gipuzkoa.
Instagram. @ademgi_emgipuzkoa.