‘HitzEkin’, hitzetatik ekintzetara leloarekin bat, jende andanak korrika egin du Tolosako kaleetan. Tolosako lehen kilometroetan (2032-2035) lekukoa ikastetxeek, sindikatuek eta tokiko komunikabideek eraman dute.
AEK-ren 22. Korrika babestu duten elkarte eta erakundeen zerrenda luzea izan da Tolosan: Asanblada Feminista, Pentsionistak, Tolosako Udala, Tolosaldea Sahararekin, Galtzaundi, udal langileak, Asuncion klinika, Lizardi, Oargi... Kilometroa erosi duten horiei norbanakoen indarra ere gehitu zaie. Korrikalari asko eta asko izan baitira errepidea hartu eta kalez kale euskararen aldeko aldarria egin duten euskaltzaleek.
Olarrain auzotik atera da 22. Korrika Tolosatik.