Urtebeteko atzerapenez eta zehaztutako orduarekin atzerapen txiki batekin, ziztu-bizian sartu da Korrika Tolosan, Belatetik. 2032. kilometro eginak zituen Korrikak Tolosan sartzerako. Euskara ahoan eta indarra hanketan. Euskararen aldeko Korrikak ez du etenik eta festa giroa nagusi izan da Tolosako kaleetan barrena, baita Korrika iritsi aurreko uneetan ere.
‘HitzEkin’, hitzetatik ekintzetara leloarekin bat, jende andanak korrika egin du Tolosako kaleetan. Tolosako lehen kilometroetan (2032-2035) lekukoa ikastetxeek, sindikatuek eta tokiko komunikabideek eraman dute.
AEK-ren 22. Korrika babestu duten elkarte eta erakundeen zerrenda luzea izan da Tolosan: Asanblada Feminista, Pentsionistak, Tolosako Udala, Tolosaldea Sahararekin, Galtzaundi, udal langileak, Asuncion klinika, Lizardi, Oargi... Kilometroa erosi duten horiei norbanakoen indarra ere gehitu zaie. Korrikalari asko eta asko izan baitira errepidea hartu eta kalez kale euskararen aldeko aldarria egin duten euskaltzaleek.
Olarrain auzotik atera da 22. Korrika Tolosatik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!