Libe Garcia de Cortazarrek eta Jon Basagurenek sortu duten Pasadena musika proiektu berriarekin abiatu dugu irratsaioa. Ondoren etorri dira, Brigade Loco, Streetwise, Lemak edota Uger bezalako taldeen azken emaitzak.
Musika munduan ibilbide bat eginda duten Liher eta Seiurte taldeen berriena ekarri dugu gurera. Bestelako proposamenei ere arreta jarri diegu, hala nola, Danajan eta Petra musika proiektuei.
Eta bitxikeri gisa, Jon Maiak Kantu bat gara egitasmoaren barruan Asier Etxeandiarekin ondu duen Nirekin piezaren bertsioa eta runba musika euskaraz egiten duen Kilimak taldearen Gatza entzun ditugu.