Zer ikusi ahal izan duzue boluntariotza azoka honetan?
Hona heldu garenean, hitzaldi bat eskaini digute, gerora ikusi duguna azaltzeko. Ondoren, talde txikiagotan banatu gara, postuz postu joateko. Besteak beste, Gurutze Gorriaren, Gautenaren edota Atzegiren postuak bisitatu ditugu.
Zer azaldu dizuete bertan dauden erakundeek?
Postu bakoitzean, erakunde bakoitzaren berri izan dugu, eta zein lan egiten duten kontatu digute. Horrez gain, egunen batean boluntario modura lan egin nahiko bagenu, nola lagundu genezakeen ere azaldu digute bertako arduradunek.
Zuen arreta bereganatu duen erakunderen bat izan al da azokan?
Oro har, guztiak iruditu zaizkigu oso interesgarriak, baina oraingoz behintzat, ez dugu boluntario modura horietakoren batean lan egiteko asmorik. Akaso, aurrerago emango genuke pauso hori. Noizbait boluntario izanez gero, ziurrenik Atzegi erakundean ariko ginateke.
Zuen ustez, zergatik behar dira boluntarioak?
Beharrezkoa iruditzen zaigu arazo ezberdinak izan ditzaketen herritarrak laguntzea; interesgarria eta entretenigarria da aldi berean.
