Bedaio herritarrek, gaur eguerdian, hitzordua zuten Tolosan. Lehenik eta behin, Tolosako Trianguloa plazan zabaldu dute Landa eremuetako oinarrizko azpiegituren alde zihoen pankarta. Adarra jotzen aritu dira edo Egin kontu egin kontu, telefonorik ez daukagu ere abestu dute. Telefonoa eta Internet zerbitzu egokiak eskatu dituzte.
Ehundik gora herritar batu dira, eta bedaiotarrez gain, inguruko herrietako bizilagunen eta tolosarren babesa ere jaso dute. Bertan hamabost minutu pasa ostean, udaletxerako bidea hartu dute guztiek pankartaren atzetik, eta beste hamabost minutuz Plaza Zaharrean egin dute beraien aldarrikapena, beste behin ere, adarra joz.