Herritarrek aurkeztu dituzten argazki guztien artetik 40 argazki aukeratu ditu epaimahaiak, eta ohi bezala, herritarrek argazkirik gustukoena bozkatzeko aukera dute orain. Bozka gehien jasotzen duen argazkia izango da egutegiko azalean erakutsiko dena. Epaimahaiak erabakiko ditu hilabete bakoitzeko gainerako argazkiak.
Bozketa udalaren webgunean egin ahalko da, eta irabazlearen izena irailaren 25ean jakinaraziko da. Bozka ematen dutenen artean 'tablet' bat zozkatuko da. Argazki irabazlearen egileak 600 euroko saria jasoko du, eta gainerako 12 finalistek 200 euro bakoitzak.
Lehiaketari buruzko xehetasun guztiak www.tolosa.eus webguneko Tolosanklisk atalean daude. Informazioa gehigarria behar dutenek, kultura@tolosa.eus helbidera idatzi edota 943 670 383 telefono zenbakira deitu behar dute.