"Sistema publiko indartsu bat da bide bakarra"

Kalitatezko zerbitzu publikoak eskatzeko mobilizazioa egin dute goizean Tolosan, hainbat eragilek deituta. Lehenik, Iurreamendi egoitzan elkartu dira, eta manifestazioa egin dute ondoren Plaza Zaharretik abiatuta.

Zerbitzu publikoak, pentsio duinak, eta elikadura eta etxebizitza eskubidea aldarrikatu dituzte goizean egindako mobilizazioan. Pertsonen beharrak aseko dituen sistema bat eskatu dute, publikoa izango dena, zaintza erdigunean jarriko duena, ospitale publikoa izango duena, gutxieneko pentsioa 1.080 eurokoa izango dena eta murrizketarik izango ez duena. Ozen oihukatu dute: "Publikoa da bide bakarra".

Iurreamendi egoitzan hasi dute mobilizazioa, 11:00etan. Herritar mordoa gerturatu da bertako egoiliar, langile eta senideei elkartasuna adieraztera. Minutu bateko isilunea egin dute lehenik, eta manifestu bat irakurri eta agurra dantzatu ostean, eraikinari buelta bat eman diote kalejiran, egoitzako leiho eta balkoietan zeuden egoiliar eta langileen txalo zaparrada artean. Amaitzeko, arin-arin eta fandangoa dantzatu dituzte atarian, eta txalo artean agurtu dituzte bertakoak. Ondoren, 12:00etan egin dute manifestazio nagusia Plaza Zaharretik abiatuta. 

Erlazionatuak

Elkartasuna adierazteko mobilizazioa egin dute Iurreamendin

Tolosa

Zerbitzu publikoen aldeko mobilizazioa egin dute goizean Tolosan. Manifestazio nagusia egin aurretik Iurreamendi egoitzara igo dira, hango egoiliar...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!