Tolosako Euskal Herria plaza bete da

Hamaika Gara ekimenean bat egindako eragileek herri erantzun bat emateko deia egin zuten sare sozial eta prentsa ohar bidez, ‘Hemen erabaki, herritarrok erabaki’ lelopean. Hori dela eta, Tolosako Euskal Herria plaza aldarriz bete dute goizean. Ekimena goizeko 11:00etatik eguerdiko 14:00etara bitartean ospatu da. Parte-hartzaile bakoitzak bere aldarria kartoi zati batean idatzi eta etxetik plazara eraman du, lurrean utziz. Egoerara egokitutako formatu honekin eta hartuko diren beharrezko neurri guztiekin, parte-hartzaile guztien osasuna eta segurtasuna zorroztasunez bermatu direla ziurtatu dute antolatzaileek.