Kudeatzaileak "greba eskubidea ukatu" diela salatuz ekin diote lanuzteari, Arriarango langileek

Joan den astean iragarri zuten greba mugagabeari ekiteko asmoa; langileek salatu dutenez, kudeatzaileak gasolindegia zabaldu du goizean goiz, eta epaitegietara joko dute bihar.

Enpresa hitzarmenerako negoziaziorik ezak eta bi kaleratzek, greba mugagaberako erabakia hartzera bultzatu ditu Arriaran zerbitzuguneko langileak. Gaur ekin diete lanuzteei, baina, sare sozialetan salatu  dutenez, enpresako kudeatzaileak berak zabaldu du gasolindegia, goizean goiz, "grebarako eskubidea ukatuz".

Gaur goizean zerbitzugunea zabaltzeko txanda zuen langilea "mehatxatu eta behartu" dutela gaitzetsi dute langileek, greba utzi eta lanera joan zedin. Haren ezezko erantzunaren aurrean, azaldu dute kudeatzaileak berak zabaldu duela gasolindegia: "Hori legez kanpokoa da, langileon greba eskubidea urratu baitu".

Gertakariaren aurrean, grebalariek epaitegietara joko dute bihar bertan.

Erlazionatuak

Bi kaleratzeren ondoren, greba mugagabeari ekitea erabaki dute Arriaranen

Tolosa

Duela hiru hilabete hasitako protesta bidea greban amaitu dute, Arriaran zerbitzuguneko langileek; datorren otsailaren 18an hasiko dute greba mugag...
Arriaran: boikot eskaeratik bestelako ekintzetara

Tolosa

Protesten aurrean, enpresa «entzungorrarena egiten» ari dela diote langileek; mobilizazioetan hastea aztertzen ari dira. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!