Frankismoaren krimenen aurkako kereila berria aurkeztu dute Tolosako epaitegian

Andoaingo Udalak, herriko hainbat biktimekin batera, kereila kriminala aurkeztu du gaur goizean. Epaitegiaren kanpoan elkarretaratzea egin dute.

2017ko uztailean Andoaingo Udalak aho-batez onartutako erabakiari jarraipena emanaz, eta denbora guzti honetan hainbat ikerketa, testigantza eta dokumentazio prestatu ondoren, Andoaingo Udalak Tolosako Epaitegian aurkeztuko du, herriko biktima batzuekin batera, frankismoaren krimenen aurkako Kereila kriminala. Aldi berean, jurisdikzio internazionalaren aginduei jarraituaz, Argentinako Epaitegi Federalean Servini epaileak irekita duen 4591/10 Kereilarako ere Andoaingo Udalak salaketa bidaliko duela iragarri du: "Horrela, gure herriari dagozkion Egiaren lerro asko idatziak daude jadanik, eta orain aurkezten diren salaketa guztien erantzukizunak Justiziari dagokio eskatzea. Estatu guztian eta Euskal Herrian frankismoak eragindako milaka eta milaka biktima guztien artean andoaindarrek ere beraien duintasuna eta dagokien Justizia aldarrikatzen dute".

Urtarrilaren 16an eskualdeko biktimek egin bezala, andoaindarrek salaketa jartzearekin batera Frankismoaren inpunitateari tolerantziarik ez! aldarrikatu dute.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!