Udaleko sare sozialak "berriro ere" alderdikeriaz erabiltzea leporatu die EAJri

Tolosaldeko Ataria 2019ko mai. 23a, 12:18

Tolosako PSE-EEk eta EH Bilduk egin dute salaketa, Facebook-eko loturak erakutsiz. Koalizio abertzaletik esan dutenez, Hauteskunde Batzordean salaketa jartzea aztertzen ari dira.

Otsailean, udalaren Twitter kontutik, EAJren aldizkaria ikusteko esteka zabaldu zela salatu zuen Tolosako EH Bilduk: «Hanka sartzea izan zela esan arren, atzean egon zitekeenak zalantzan jarri zuen EAJren neutraltasuna».

Orain, hauteskunde bezperan, bigarren akats larria egitea salatzen diote: «Larriagoa, legezkoa ere ez dena. Udalaren Facebook orrialdearen bidez zabaldu dute alderdiaren propaganda, botoa eskatuz». Astearte iluntzean zabaldu, eta gero 12 orduz orrialdea erabili ezinik egon zen EH Bilduren esanetan: «Honen aurrean, ezinbestekoa da EAJk herritar guztiei barkamena eskatu, eta gertatutako zehaztasun osoz azaltzea». Hauteskunde Batzordean salaketa jartzea ere aztertzen ari da EH Bildu.

Tolosako PSE-EE alderdiak berehalako azalpena eskatu dio EAJri: "Beste behin udalaren sare sozialak alderdikeriaz eta helburu elektoralistaz erabili ditu EAJ. Berehala azalpenak eman ditzaten eskatzen diegu".

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!