Lehen aldiz Hego Euskal Herrian egingo da Iheslarien Eguna. Tolosan izango da, hain justu Lasa eta Zabalaren erailketaren 35. urteurrenean. "Hegoaldean iheslarien errealitatea ezagutaraztea" dela ekimenaren helburuetako bat adierazi dute. Bestalde, Beraien bizipen pertsonalak kontatu dizkigute, gaur egungo egoera nola ikusten dute, eta konponbiderako urratsak zeintzuk izan beharko liratekeen kontatu digute.
Azken iheslaria etxeratzeko lanean jarraitzeko beharra dagoela azaldu dute, Iñigo Zapirain eta Jexux Bidaola 'Txirrita' iheslari ohiek. Bihar Tolosak hartuko du Iheslarien Eguna, lehenengoz Hego Euskal Herrian egingo dena.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!
