Tolosako bost arraunlari, Kontxan txapeldun

San Juan taldeko Ioana Alijostes, Irati Larrañaga eta Nerea Perezek emakumezkoetan, eta Hondarribia taldeko Endika Lopez eta Jon Lizarraldek gizonezkoetan, bandera preziatua lortu dute gaur eguerdian.

Sekulako giroa izan da goiz guztian zehar Donostiako zirrikitu guztietan, baina batez ere, portu inguruan. Bertan, kolore guztietako kamisetak edota zapiak ikusi ahal izan dira, baina gaurkoan bi kolore nabarmendu dira gainontzekoen baimenarekin, edo behintzat, arrosez eta berdez jantzita joan direnak izan dira gehien poztu direnak. Hain zuzen ere, San Juan eta Hondarribiko zaleak.

Hala ere, kostaldeko bi talde horietan, eta baita gainontzekoetan ere, eskualdeko zenbait ordezkari izan dira. Bost tolosarrek defendatu dituzte Batelerak eta Ama Guadalupekoa ontzietako koloreak: Ioana Alijostes, Irati Larrañaga eta Nerea Perezek alde batetik, eta Endika Lopez eta Jon Lizarraldek bestetik. Hauek, taldekideekin batera, 2018ko Kontxako Bandera astintzeko aukera izan dute.

Gainontzean, Donostiarran, Naroa Urkola anoetarra eta Olatz Lopez tolosarra aritu dira, Myrian Aizpurua irurarra eta Ohiane Iraola tolosarra Orion, eta Joseba Alustiza, Jon Ander Agirre eta Mikel Lasa, berriz, San Pedron. Azken hauek, ez dute animo faltarik izan arrapalan, eta sekulako giroa jarri dute Libia ontziko zaleek. Ikusgarria izan da. Eskualdeak, beste behin ere, arraunerako maila bikaina duten kirolariak dituela erakutsi du.

Erlazionatuak

Historia egin dute

Tolosaldea

Tolosaldeak azken tokian amaitu du gaurko estropada ere, baina emaitza garrantzia handirik ez zuen zerbait izan da gaurkoan. Beste igande batez, Do...
«Zorionak eta eskerrik asko eskualde osoaren izenean»

Tolosaldea

Tolosako kaleetan kalejira egin ondoren, Plaza Zaharrean zuten hitzordua Tolosaldea Arraun Klubeko neskek. Bertan, eskualdeko zenbait udaletako ord...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!