Iurre Tabernak Euskal Ligan jokatuko du

Iurre Tabernak Euskal Ligan jokatuko du

Oiartzunek uko egin dio maila horretan jokatzeari eta tolosarrek hartu dute eurek utzitako lekua. Estreinakoz ariko dira maila horretan.

Maiatza bukaeran Gipuzkoako finala jokatu zuen Iurre Tabernak, Oiartzunen aurka, Usabal Kiroldegian. Hiruna berdindu zuten, baina penaltietan oiartzuarrak gailendu ziren.

Maila igoera jokoan zeukaten bi taldeek, eta Oiartzunentzat izan zen sari hori. Euskal Ligan jokatzeari uko egin dio, ordea, Oiartzungo taldeak. Gipuzkoako Federazioak tolosarren esku utzi zuten leku hori, eta bi astez pentsatzen ibili ostean, baiezkoa eman dute azkenean.

"Kalkuluak atera genituen eta posible zela ikusi genuen. Gastu gehiago izango ditugu, garraioan bereziki, partida gehienak Bizkaian eta Araban jokatu beharko ditugulako. Baina ilusioz gaude eta lana egingo dugu dena bideragarri izateko: babesleak, zozketak egitea...", azaldu du Antton Garro, taldeko jokalariak.