Don Inorrez, hala izena du Imanol Ubedaren proiektu berriak. Duela bi urte Bide Ertzean taldeak atseden mugagabea hartzea erabaki zuenetik abestiak sortzen ari dira, bera eta Karlos Aranzegi bateria jotzailea, eta 'Mugiro bila' izeneko lehendabiziko diskoan aurkeztu dituzte.
Bide Ertzean taldearen musikatik aldendu nahi izan dutela kontatu digu musikari tolosarrak, eta horretarako, Cadizera jo zuten, hango ekoizle batekin lan egitera. Abestien hitzei dagokienez, zirikatzaileak direla kontatu digu. Jone Gorostarzu berastegiarraren 'Bere Txisteak' olerkiaren hitzekin sortua da, hain juxtu, Don Inorrez proiektuaren lehen abestia. Datorren astean hasiko dira zuzenekoekin, Bilbon eta Donostian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!