ataria.eus

Osagai onenak, hitzak eta gogoa

  Gastronomia  Tolosa

Osagai onenak, hitzak eta gogoa Imanol Zubelzu tolosarra gidari lanetan aritu zen, bi adituekin. | Ikusi handiago | Argazki originala

Elikadura atzo, gaur eta bihar abiapuntu izan zen, atzo, Topic zentroan, Tolosako Babarrunaren Kofradiak antolaturiko gastronomia jardunaldian

Kapituluaren eta azoka bereziko festaren artean zubi berri bat eraiki du, aurten, Tolosako Babarrunaren Kofradiak: Pul-pul gastronomia jardunaldia. Atzo izan zen, Topic zentroan, eta bertako produktuaren inguruan hausnarketarako gogoa pizteko, bi hizlari aritu ziren, aurrez aurre: Mikel Zeberio eta Iñaki Alava.

Gastronomia kritikaria bata, eta ikerlaria bestea, janaria eta haien zaintza erdigune izan zituzten, atzoko, gaurko eta biharko elikaduraren harian. Hizkuntzarekin eta ohiturekin lotu zuen, batak, gastronomia; besteak, berriz, jakiak prestatzen aritzeko gogoari eta tokian tokikoak eskaintzen duena hartzeari jarri zion fokua.

Teorizazioen ondoren, gastronomia praktikan jartzeko egunak iristear dira Tolosara: babarruna asteburuko protagonista izango da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa