Uztailean jarri zuten euskal zirkua abiarazteko lehen alea eta, pixkana-pixkana, Tolosako zezen plaza ametsen mundu txiki bilakatu dute, Iker Galartzak eta lagunek. Badirudi, gainera, ehunka herritarrei trapezio, malabare eta pailazo artean amets egiteko gogoa piztu dietela: arratsalde bakarrean agortu dira, Gure Zirkuaren lehen emanaldiez gozatzeko sarrerak.
Ostegunean izango da estreinaldia, 20:00etan, helduentzako saio batekin eta, igandera bitarte, beste bost hitzordu izango dituzte, sarrera eskuratu dutenek.
