Manu Azkaratek Martuteneko espetxera ekartzeko eskatu zuen bere medikuak trata zezan, senideek azaldu dutenez.
Manu Azkarate, larriki gaixo dagoen presoa
Manu Azkaratek gaixotasun "larri, arraroa eta sendaezina" dauka. Hori azaldu zuten bere senideek Tolosaldeko Atariari egindako elkarrizketa honetan. Behin baino gehiagotan atxilotu dute tolosarra, baina askatu egin dute gaixotasun horren ondorioz.
Pasa den abenduan atxilotu zuten Marsellan (Frantzian) eta Frantziako poliziak ultzeratutako zangoa eta burua zapaldu zizkiola salatu zuen. Hain zuzen, Soto del Real kartzelatik Gregorio Marañon ospitalera eraman zuten otsailaren hasieran, ultzeratuta zeukan hankan duen isipula batengatik.
Manu Azkarateren aldeko mobilizazioak ugaritu egin dira azken asteetan; bere askatasuna exijitzeko manifestua babestu zuten eskualdeko hainbat norbanakok otsailaren erdialdean.
