Iñigo Asensio tolosarrak Saharari Kantari lehiaketa irabazi du Hareazko erlojua abestiarekin, eta elkarrizketa egin diogu Hamaiketakoan.
Horrez gain, Iurreamendi auzoko jaiei eta San Fermin txiki festari errepasoa eman diogu, eta TolosandBlues jaialdiko balorazioa ere hizpide izan dugu. Azkenik, Tolosako Babarrunaren Kofradiako lekukoa hartu duten gazteen solasaldia gogora ekarri dugu, larunbatean izango baitute aurkezpen ofiziala.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!