Aisia jorratzen aritu dira, ikasturte osoan barrena, LH 3tik 6ra bitarteko 45 neska-mutil; ordezkari politiko, guraso nahiz herritarrei aurkeztu diete gaur egindakoa, Zerkausian. Lehen ikasturtean espazio publikoarekin egindakoa, aurten aisialdiaren inguruan mamitu dute neska-mutil tolosarrek, bost saiotan. Horrela, gaurkoa seigarren hitzordua izan da.
Arratsalde polita igarotzeko aukera izan dute ekimenean parte hartu duten eragile ezberdinek. Taldeka bilduta aritu dira hausnarketa eta ariketa ezberdinak egiten, lehenik. Baina jolaserako edo kanturako tartea ere izan dute.
Azken finean, haurrek euren espazioa ere aldarrikatu dute.