Bertan behera utzi dituzte pasa den apirilaren 3an Azpeitian desagertu zen Tolosako frantziskotarra bilatzeko lanak. Froga faltagatik utzi dituzte bilaketa lanak, baina ikerketarekin jarraituko dutela jakinarazi du Eusko Jaurlaritzako Segurtasun Sailak.
Astebetez aritu dira hura aurkitu nahian larrialdi zerbitzuak, Gurutze Gorriko, DYAko, Ertzaintzako eta Babes Zibileko kideek osatutako taldetan. Atzo bertan, Azpeitiko Urola ibaia arakatzen ibili ziren. Aurreko egunetan, berriz, Odria, Izarraitz eta Oñatz auzoak, mendi inguruak eta Urola, Ibaieder zein Errezil ibaiak arakatu dituzte Ertzaintzaren erreskate taldeak, txakur unitateak eta urpekaritza taldeak. Inon ez dute Alustizaren arrastorik topatu.
Idelfonso Alustiza Tolosako komentuko frantziskotarra, apirilaren 3an desagertu zen, Azpeitian familiarekin bazkaldu ostean. Apiriaren 4an aurkitu zuen desagertutako gizonaren autoa Azpeitiko Udaltzaingoak.
Hala eta guztiz ere, norbaitek zerbait jakingo balu, 112ra hots egiteko deia zabaldu dutSegurtasun Sailak.
Argazkia: Urola Kostako Hitza