Joan den igandetik desagertuta dago Alustiza, eta asteartean bere autoa aurkitu zuen Azpeitiko Udaltzaingoak Urola kalean. Harrez geroztik bilaketa dispositiboa jarri zuen martxan Segurtasun Sailak.
Astebetez larrialdi zerbitzuak bilaketa lanetan aritu dira. Ertzaintza, Gurutze Gorria, DYA eta Babes Zibileko kideez gain, mendi eta urpeko erreskateko unitateak ere ari dira bilaketa lanetan, txakurren laguntzaz. Lehen egunetan Urraki eta Udana inguruan zentratu zuten bilaketa. Azpeitia inguruko mendi eta ibaiak ere arakatu zituzten.
#Azpeitia 84 urteko desagertutako gizonaren bila jarraitzen dugu. #mendian pic.twitter.com/23br2g8ojo
— DYA Gipuzkoa (@DYAGipuzkoa) 2016(e)ko apirilak 8
#Gipuzkoa-ko batzar desberdinetako bilaketa eta salbamenduko #ERIE taldeak gaur #Azpeitian, gizon baten bilaketan. pic.twitter.com/DdB5xNFK9f
— Cruz Roja Gipuzkoa (@CruzRojaGip) 2016(e)ko apirilak 6
Gaur goizean, berriz, Ertzaintzaren erreskate taldeak Urola ibaiaren ertzak eta zubi azpiak arakatu ditu, ezer topatu gabe. (Argazkia: Urola Kostako Hitza)