Maiatzean Espainiako Kopa irabazi zuen lehenengo aldiz, eta azken bi urteak txapeldunorde geratu ostean, aurtengo denboraldirako Espainiako Txapelketa irabaztea zuen helburu nagusi. Bada, lortu du. Torredembarrako txapelketan izan ziren hamabi partehartzaileen artean onena izan da gazte tolosarra.
Azken urteotan erakusten ari den mailak, berriz, ate gehiago zabaldu dizkio Irene Caminosi: Uztailean Italian jokatuko den Europako Txapelketarako deitu du Espainiako Selekzio absolutuak. Irailean, berriz, eta pasa den urtean Euskadiko selekzioarekin aritu ondoren, Andorran jokatuko den Munduko Kopan lehiatuko du, kasu honetan, Espainiako Selekzioko kide moduan.