Instrukzio epailearen autoak, ordea, dio hilketa izan zela, ustez babesik gabe egonik buruan tiro egin ziolako. Armarekin belarri ingurura apuntatu bazion ere, "nahi gabe" tiro egin zuela esan du ertzainak. Dena den, lekukoen esanetan oinarrituta, behin behineko kartzela zigorra ezarri dio epaileak.
Aurrez hasi zen bi gidarien arteko istilua, gasolindegian. Leitzako irteeran geratu zituzten ibilgailuak, baina bertatik jaisterako arma eskuan zuen ertzainak.
Espetxera bidali du instrukzioko epaileak, eta horrez gain armak erabiltzeko baimena ere kendu dio. Dena den, hilabete batzuk beranduago beste epaiketa bat izango da. Orduan emango du azken epaia epaileak. 15-25 urte bitarteko kartzela zigorra jaso lezake.
