Euria egin arren, eraso arrazisten aurkako elkarretaratzean, ehun lagun inguru elkartu dira gaur arratsaldean Tolosako Trianguloan.
Khelifa Tadjinek egindako salaketen ondoren antolatu zuten mobilizazioa, herritarren, SOS Arrazakeriaken eta Jatorkinen babesarekin. Jatorri desberdinetako tolosaldearrak elkartu dira Trianguloan. Horien artean zegoen Tadjine bera. Hain zuzen ere, "eraso arrazistarik ez!" lelopean zen elkarretaratzea, eta berari elkartasuna erakusteko ere mobilizazioa izan da. Tolosarrak, aste honetan, eraso arrazistak salatu zituen, RENFE-ren segurtasun zaintzaileen eskutik.
Elkarretaratzearen amaieran Tadjinen lekukotza irakurri dute, euskaraz.
Tolosako udal ordezkariak ere bertan izan dira. Besteak beste, Lore Agirre eta Ibai Iriarte, Tolosako alkateordea eta alkatea.
Khelifa Tadjinek jasotako babesa eskertu du.
