Hainbat herritarrek, SOS Arrazakeriak-ek eta Jatorkinek elkarretaratzerako deialdia zabaldu dute. Mobilizazioa hilaren 14an, ostiralean, izango da, Tolosako Trianguloan, 19:00etan. Elkarretaratzearen leloa ondorengoa dela iragarri dute: Eraso arrazistarik ez! Eskualdeko herritarrei eta eragileei deialdiarekin bat egiteko eskatu diete.
Khelifa Tadjinek bere gertaerak hainbat eragileren aurrean salatu ditu azken egunotan. SOS Arrazakeriak elkartera jo zuen lehenik, eta bertatik, Jatorkinera. Horien laguntza izan du egun hauetan, eta gertaerak kalean salatzeko erabaki hartu dute: «Modu horretako kontrolak, ezaugarri fisikoengatik, onartezinak eta salagarriak direlako». SOS Arrazakeriatik, Khelifa Tadjinen salaketa bakarra ez dela azaldu dute, horrelako gertaera gehiago izan direla baieztatuz
