Igande goizaldean Tolosako Errementari kalean gertatutako eraso sexistaren ustezko egilea Martuteneko espetxera bidali du, goizean, Tolosako 2. zenbakidun epaitegiko epaileak, Ertzaintzak TOLOSALDEKO ATARIAri berretsi dionez.
Erasoa jasandako emakumeak, igandean goizean goiz jarri zuen salaketa. Ertzaintzak identifikazio lanei ekin zien, eta arratsaldeko lehen ordurako atzeman zuten ustezko erasotzailea. Horrela, Tolosako epaileak espetxeratzea erabaki du, epaiketaren zain. Datozen egunotan defentsak autoaren aurrean helegitea jartzeko aukera izango du.
