Zortzigarren jardunaldian balorazio hoberena eskuratu duen jokalaria izan da tolosarra, EBA mailako AA taldean. Ustekabean jakin du lorpenaren berri, Ataria Irratiak deitu dionean.
Larunbatean, Estela Cantabriaren aurka TAKE-k lortutako garaipenean, 24 puntu eta 10 errebote eskuratu zituen, bederatzi falta jasotzearekin batera. Guztira 37ko balorazioa jaso du, hain justu aurkari zuten taldeko Antone Robinson estatubatuarrak bezalaxe.
Orain arte lehiatu izan duten mailan horrelako lorpenak ez zituzten kontutan hartzen, beraz, lehen aldia du: "Anekdotikoa da, polita da niretzat baina garrantzitsuagoa izan da asteburuan lortu dugun garaipena".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!