Hiru mailatan antolatu dute txapelketa, adinaren arabera. Haurrak, 16 urte bitartekoak; gazteak, 16-18 urte artekoa, eta helduak, 18tik gorakoak.
Izena emateko hiru aukera daude: 699 69 86 42ra deituta; oargi.org webgunearen bidez, eta egunean bertan elkartera agertu eta apuntatuta, txapelketa hasi baino lehen.
Oargi elkartean dagoen rokodromoan jarriko dituzte bide desberdinak, eta parte hartzaileek bertatik ibili beharko dute. Finalera pasatzeko hiru gauza hartuko dira kontuan: noraino iritsi den eskalatzailea; zenbat denbora behar izan duen horretarako, eta zenbat saiakera egin dituen.
Antolatzaileek, alde batetik, parte hartzaile izan daitezkeen guztiak gonbidatu nahi izan dituzte larunbatean Oargira ager daitezen eskatuz. Bestetik, eskalatzaileen gora-beherak ikustera, inguruko zaleei dei egin diete.