Giro berezia zegoen atzo Tolosan. Zesta punta krisian dago, baina hileta baino jaiotza baten ospakizuna zirudien atzokoak. Eta zentzu batean horrela zen, Elolaren oroimenezko txapelketaren lehen edizioa izaki.
Hirugarren eta laugarren posturako lehia, ez zen dizdiratsua izan, nahiz eta markagailuak emozioari eutsi zion. Bost tantoko aldeaz nagusitu ziren Alberro eta Zabala. Ondorengo partida, finala, ez zen dizdiratsua izan markagailuan: 30-17. Baina lau pilotariek emozioz bete zuten kantxa, partida ikusgarria jokatuz. Tantoak borrokatuak eta ederrak izan ziren, eta Alberdi eta Izagirre maisu aritu ziren. Ondorioz, txapela eurentzat.
Punta-puntako afizionatuak izan dira Tolosan Elola zenari omenaldia egiten. Beotibar zesta punta elkarteko kideak buru-belarri aritu dira txapelketa prestatzen, eta pilotariek ikuskizuna jarri dute kantxan. Esan bezala, krisian dagoen pilota modalitatea da zesta punta, baina joera ez dadila izan maldan beherakoa. Atzo ikusitakoaren arabera, lanerako prest dagoen jendea egon badago: «Ez dugu hori aldatzen ez saiatzearen errudun izan nahi», zioten txapelketaren aurkezpenean. Ea horretarako aukera duten; zesta puntak eskertuko luke.
Andoni Lertxundi, antolatzailea: