Tolosako Abesbatza Lehiaketako saio puntuagarri guztiak amaituta, abesbatzei harrera egiten diete Fronton jatetxean. Bertan, epaimahaiak hartutako erabakiaren berri ematen diete abesbatzei, eta pozak zein tristurak kantuan ospatzen dituzte.
Atzo Ingenium taldeko esloveniarrak eta Glier musika institutuko abesbatzako kdieak izan ziren festa giroa jarri zutenak, hiruna txapelarekin joango baitira beren herrietara, Tolosatik.
Ukrainarrek, gainera, Tolosako 46. Abesbatza Lehiaketako sari nagusia ere eskuratu dute, puntuaziorik altuena jaso dutelako, eta datorren urtean Tours-en (Frantzia) Tolosa ordezkatuko dute, Europako Sari Nagusian.
Arrazoirik ez zuten falta, beraz, besarkada, malko, kantu eta irribarrez, biharamuniik gabeko festa ospatzeko.
