Europa ekialdeko ahotsik gozoenek hartu zuten, atzo iluntzean, Santa Klara elizako akustika zoragarria. Erresuma Batuko taldearekin hasi, eta Eslovenia, Hungaria, Bielorrusia, Errumania eta Letoniako kultura musikalaz gozatu ahal izan zuten bertaratuek; jarraian entzungai izango dira talde guztiak.
Jatorriak bezalaxe, abesteko moldeak ere hamaika izan ziren lehen saioan, musika sakratuaren esparruan. Horrela, bihar ere aukera izango dute, sei abesbatzok, musika profanoaren sailean aritzeko.
Gaur, polifonia eta folklorea
Paramabira (Indonesia), Choros Amici (Erresuma Batua), Maska Youth Choir(Letonia), Aurum (Asturias, Espainia) eta Syc Chamber Choir (Singapur) ariko dira, gaur, Leidor aretoko oholtzan. Polifonia eta folkloreari begira jarriko dira, eta 19:30ean nahiz 22:30ean izango dira saioak.
