Zailtasun eta distantzia ezberdineko zortzi ibilbide diseinatu dituzte herrian zehar Tolosako Udalak martxan jarri duen 'Mugi Tolosa' egitasmoaren baitan eta gaurkoan ibilbide motzena egin dute Triangulora gerturatu direnek.
Ibilbide motzena ezagutzeaz gain, kaleetan dauden seinaleen berri ere eman zaie bertaratutako guztiei eta zalantzak eta galderak ere erantzun dizkiete. Animatu direnei Alondegiako osasun parke berria aurkeztu zaie asteazken honetako ibilbidearen barruan eta parkeak eskura jartzen dituen aukera guztiak probatu ahal izan dituzte.
Ibilbidea amaitu ostean, fruta eta jogurta itxaroten zituzten parte hartu dutenek Tolosa&Co eta Super Eko-ri esker eta asteazkenero indarrak hartzeko zerbait eskaintzeko asmoa dago ibilbideak osatu eta gero. Maiatzean aurkeztu zen Tolosa kale biziak egitasmoaren barruko egitasmoetako bat da honako hau.