Palestinako herrialdean azkenaldian izan diren gertaerak salatzeko Palestina askatu! lelopean manifestazioa deitu dute, gaur osteguna, 19:00etan, Tolosako Trianguloa plazatik. Deialdiari babesa adierazi diote Ernai, LAB, Sortu, Otsabi, TOPA, IA, Bilgune Feminista, Gazte Libertarioak, Ibarrako Gazte Asanblada, Euskal Herria Sozialista, Bai Euskal Herriari, ELA, Tolosako Udala, Jatorkin, Aralar, EA eta Gazte Abertzaleak eragileek.
Hala ere, manifestazioa irekia denez, eragile eta pertsona ezberdinei manifestaziora «batzeko» dei egin diete.
Herritarren eskubideak
Manifestazioan «astebetean Gazako lurraldeak jaso dituen erasoetan, Israeleko ejertzitoak 180 hildako baino gehiago» eragin dituela salatu dute eta 2007-2008ko eguberrietan «israeldar Estatuak egindako beste erasoaldien oroitzapenak» ere ekarri ditzute gogora. Eta Israeli Boikot, Desinbertsio eta Zigorren Kanpaina deialdia berretsi dute.
Horregatik, «genozidio sionistak eta politika zapaltzaile oro amaitzeko» deia egingo dute biharko manifestazioan, eta era berean, «herri palestinarren eskubideen onarpena» aldarrikatuko dute.