Frackingaren kontra azaltzeko aste beteko bizikleta martxa hasi zuten Fracking Ez taldekoak pasa den astean Gasteizen. Aramaio, Legazpi eta Azpeitia pasata gaur iritsi dira Tolosara. Eta Oargi elkartean bazkaldu eta gero, Zarautz, Zumaia eta Arrasaten egingo dute geldialdiak, Gasteizera itzuli aurretik.
Bizikleta martxan parte hartu dutenek haustura hidraulikoaren teknikaren bitartez zaharkitua dagoen eredu energetikoa mantentzeko apustua egitea "burutu behar ez den akatsa" dela diote. "Teknika honen bidezko gasaren ustiatze masiboak baliabide hauentzako presio jasanezina litzateke eta amildegira bideratuko gintuzkeen ereduari eutsiko lioke", esan dute.
Bizikleta martxa iraun bitarte hitzaldiak eskaini dituzte hainbat herritan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
