Aritz Lopez: "Desgaste handia izan da guretzat epaiketa"

Ia lau hilabete iraun du 26/11 sumarioko epaiketak. 2009ko azaroaren 24ko gauean atxilotu zituzten auzipetuetako gehienak. Inkomunikatu, eta espetxera bidali zituzten. Urte eta erdi inguru preso eduki zituzten ondoren, Espainiako kartzeletan sakabanatuta. Sarekadatik ia lau urtera hasi zen epaiketa Espainiako Auzitegi Nazionalean, iazko urriaren 14an. Tortura salaketak eta aldarrikapen politikoak nabarmendu dira «talde terroristan» aritzea egozten dieten gazteen auzian. Gazte horietako bat da Aritz Lopez tolosarra.