Festak izerdia botaz hastea, onena

Orexako santakruzak gaur bertan hasiko dira, eta asteartera bitarte ohi baino agenda beteagoa izango dute.

Ez dira Euskal Herriko festarik entzutetsuenak, baina orexarrek nahikoa dute santakruzekin, parranda ederra egiteko. Gaur bertan hasiko dira jaiak, eta pintxo potea aitzakia izango dute gaua biharamunera bitarte luzatzeko. Horren aurretik, ordea, futbito txapelketak hartu du pilotalekua, jaiak izerdi pixka bat botaz hasteko.

Herri txikietako neska-mutilen arteko lehia polita ikusgai izan da eta, guraso nahiz entrenatzaileez gain, publiko anitza elkartu da. Bihar haurren eguna izango da, besteak beste, eta afalondoan gau txoriek aukera paregabea izango dute plaza hartzeko, Zesuma eta DJ Bullekin.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!