Mozorroen festa hasi dira ospatzen Lizartzan ere, eta herritarrek askotariko mozorroak prestatu dituzte urteko ohiko hitzordurako. Eguerdian plazan topa zitezkeen Amak eta Zetak musika taldeen parodiak, piratak, apaizak, ipotxak eta tribuak; guztia, Isk&bila txarangak girotuta.
Mozorroez gain, puska biltzen aritu dira goizean txantxoak eta txistulariak, eta bihar ere ez dute hutsik egingo. Gaur, berriz, frontoian bazkaldu ondoren, kalejira egingo dute 18:00etan herriko plazara; eta, bertan, hainbat sagardotegitako edariak dastatzeko eta Lizartzako talogileen taloak jateko aukera izango dute.