Gaur hasi eta abenduaren 3ra bitarte ospatuko dute Kulturaldia Lizartzan. Urtero moduan, Kalamatrike euskara eta kultura taldeak eta Lizartzako Udalak antolatu dute kulturaz gozatzeko egitaraua. Gaur bertan emango zaio hasiera, erakusketa baten aurkezpenarekin: Maite ditut gure bazterrak izeneko erakusketa jarri du Iñaki Balerdi Naparrak udal aretoan, eta 20:00etan egingo dute irekiera ekitaldia. Garazi Esnaola herritarrak hartuko du parte aurkezpenean, pianoaren laguntzarekin.
Ostegunetik igandera, aste honetan eta hurrengoan izango dira jarduerak, haur, gazte eta helduei zuzenduta. Kontuan izan, azaroaren 28an izango den Cromlech antzerkira joateko izena eman beharko dela aurrez udaletxean.
Kulturaldiari amaiera Euskararen Nazioarteko Egunean emango zaio, abenduaren 3an. Bertso poteoa egingo dute, 19:30ean hasita, Oihana Iguaran eta Haritz Mujika bertsolariekin.
Egitaraua
- Azaroak 18, gaur
20:00. Maite ditut gure bazterrak erakusketa, Iñaki Balerdi Naparraren eskutik, udal aretoan, azaroaren 26a bitarte. Aurkezpena, gaur, Garazi Esnaolak pianoan lagunduta. - Azaroak 19, bihar
19:00. Ekologista naiz, baina... hitzaldia, Gorka Egiaren eskutik, udalean. - Azaroak 20, larunbata
17:00. Elefante eta bere lagunak ipuin kontaketa, udal aretoan.
17:45. Trentza tailerra. - Azaroak 21, igandea
16:00. Jokai jolas kooperatiboak, herriko plazan. - Azaroak 25, osteguna
18:30. Sagarrondoen urte osoko zainketa hitzaldia, Eneko Solanaren eskutik, udal aretoan. - Azaroak 26, ostirala
19:30. Bolante baten historia dokumentalaren proiekzioa, zimiterioan. - Azaroak 27, larunbata
22:00. Kilimak taldearen kontzertua, zimiterioan. - Azaroak 28, igandea
19:00. Cromlech antzerkia, udal aretoan. - Abenduak 3, ostirala
19:30. Bertso poteoa, Oihana Iguaran eta Haritz mujika bertsolariekin, herriko ostatuan.
