Asteburuko planen artean sartzen da III. Ataria Pilota Txapelketako partidaren bat jokatzea. Gaur, beste hainbat herritan bezala, Lizartzan ere kategoria ezberdinetako partidak jokatu dira. Palaz, 4. jardunaldia jokatu dute alebin eta infantilek. Alebinetan, Zubillaga eta Navarro, 20-2 gailendu zaizkie Otegi eta Garitanori; Arretxe eta Altunak, Tejeria eta Agirreren aurka jokatu dute eta 11-20ko emaitzarekin amaitu da partida. Infantiletan, Urkola eta Sarasola gailendu zaizkie Elgarresta eta Intzari, 20-17. Eskuz, alebinetan, 3. jardunaldia jokatu dute eta Aranzadi eta Iraeta izan dira irabazle 16-4, Tejeria eta Agirrezabalen aurka.