Bizitza osoa dantzan darama Itziar Otamendik, eta aski ezaguna da euskal dantzaren mundutxo honetan. Nahiz eta izatez añorgarra den, Zizurkilen bizi da, eta denboraldi berriko estreinako saioan bere dantza ibilbide oparoari eman diogu errepasoa.
Dantza-tradizio handiko auzoko Arkaitz dantza taldean eman zituen bere lehen dantza pausoak, eta hortik egin zuen Argia dantza talderako jauzia. Geroztik, han dihardu buru-belarri.
Horrek proiektu gogoangarrietan parte hartzeko aukera eman dio dantzari bezala, eta baita tradizioaren ezagutzatik abiatutako sorkuntzan ere. Ildo horri jarraika, Ikerfolkeko kidea ere bada, besteak beste.
Gaur egun, Argiaz gain, Zizurkilen bertan ere helduen talde bati dantza ikastaroak ematen dihardu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
