Tolosaldeko inauteriez eta inauteri dantzez solasean

Erabiltzailearen aurpegia

Gaurko Oinak arin irratsaioan eskualdeko hiru herritako inauterien eta bertako dantzen jatorriaz, bilakaeraz eta transmisioaz hitz egin dugu Josune Zubeldia lizartzarrarekin, Julen Otamendi 'Txino' amezketarrarekin eta Maialen Senperena abaltzisketarrarekin.

Jadanik urte berriko lehen hilabete honi puska ederra ere jan diogu. Gabonak atzean utzi genituen, eta dagoeneko inauteri garaia ere ate joka daukagu. Zuberoan maskaradak hasi dituzte, Nafarroa aldean ere hasi dira inauteriak ospatzen hainbat herritan, eta behin otsailean sartuta, gureak ere bertan izango ditugu.

Eskualdean, Tolosaz gain, beste hainbat herritan ere ospatzen dira inauteriak. Tolosakoak ezagunenak direla egia da, baina inauterien jatorrizko izaera hori, naturarekin lotura estua duena, hobeto gordetzen dute beste zenbait herritan.

Inauteri horietako batzuetan, dantzak garrantzia handia dauka, inauteri dantza propioak gordetzen baitituzte. Lizartza, Amezketa eta Abaltzisketa dira herri horiek. Lizartzan, bertako inauteri dantza-sorta daukate, Amezketan talai dantza, eta Abaltzisketan txantxo dantza. Gaurko irratsaioa beraz, inauteri eta dantza hauen bueltan egin dugu, jatorriaz, bilakaeraz, transmisioaz eta abar, kontu batzuk esanaz.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!