Arratsaldean zehar bero-hodeiren bat garatuko da mendi inguruetan, baina ez du ondoriorik utziko. Haizeak hego-ekialdetik joko du goizean, baina indar handirik gabe. Arratsaldean ipar-ekialdera egingo du. Tenperaturak antzeko jarraituko du, eta 34-37 gradura iritsiko da.
Bihar, zeruan urdina nagusi dela hasiko da eguna berriro, eta giro eguzkitsua nagusi izango da. Arratsaldean ere ez da aldaketarik espero. Tarteka bero-hodeiren bat eta goi-hodeiren bat edo beste agertuko bada ere, zeruan urdinak nagusi izaten jarraituko du eta giro eguzkitsuak jarraipena izango du eguna amaitu bitarte. Hego-haize ahula ibiliko da goizean, arratsaldean iparraldekoa nagusituz. Tenperaturak antzeko jarraituko du, 34-37 gradura ailegatuz.
